Ye daulat bhi le lo ye shohrat bhi le lo 

Bhale chheen lo mujhse meri jawani 

Magar mujhko lota do bachpan ka sawan 

Woh kagaz ki kashti woh baarish ka paani 

Toh Arz kiya hai doston… (Please bear in mind that this composition below is not made to hurt anyone’s feel-ings. If I do so inadvertently, please accept my sincere apologies in advance)…. 

Woh assembly mein doston se isharon mein kehna 

Aaj ke exam mein thoda please help kardena 

Woh English class mein Flavia madam ka padhana 

A thing of beauty is a joy for ever- samjhana 

Woh Physics class mein Madhok sir kaa yoon hi daantna 

Gusse se hamare kaanon ko bhi laal karna, 

Woh hindi pariksha mushkil se paas karni, 

Woh kagaz ki kashti woh baarish ka paani… 

Woh lunch break mein doosron ka lunch box chupanaa 

Doston ke sath khelke paseena bahaana 

Woh Shekhar sir se chupte chupate huye chalna 

Woh Indu maadam ke rone ki naklein utaarna 

Woh homework na karne ke bahane banana 

SUPW classes ko baar baar bunk karna 

woh trip pe hindi gaanon ki antaaksari jamaani 

Woh kagaz ki kashti woh baarish ka paani… 

Woh Naini ke trip mein sote huye ko jagaana 

Na jaage toh uske muh pe toothpaste ko malna 

woh pahaadon mein mountain climbing ko seekhna 

woh maasoom se pehle crush ka banna aur bigadna 

Umar ka ye kaarwan yoohi guzarta hi chalega 

Un yaadon, in lamhon ko, tum banana nishaani 

Woh kagaz ki kashti woh baarish ka paani… 

Woh MIS 89 ke batch ke haseen yaadon ki kahaani….